【Emily】城大「上京」搞校友晚宴 馮巍少有露面

【明報專訊】城大上個禮拜六（22日）喺北京搞咗場校友晚宴，退休後甚少露面嘅港澳辦前副主任馮巍（前排左二）都有出席，坐喺主家席。睇番資料，馮巍目前仲係港澳研究會顧問，舊年9月都有同港澳辦港澳研究所到上海社科院港澳研究中心調研，由政治、經濟、社會發展角度討論香港產業轉型、社會治理等議題。今年同時係城大法律學院承辦「中國法官課程」18周年，晚宴出席者都有幾多法律背景人士，包括中聯辦法律部長劉春華、國家法官學院副院長王曉芳等。